<უკან დაბრუნება << დაბრუნება მთავარ გვერდზე
ოცინდალეს წმინდა გიორგის ეკლესია
ოცინდალეს წმინდა გიორგის ეკლესია - ქართული ხუროთმოძღვრებისა და ეროვნული მნიშვნელობის კატეგორიის კულტურის უძრავი ძეგლი სამეგრელო-ზემო სვანეთის მხარეში, ჩხოროწყუს მუნიციპალიტეტის სოფელ თაიაში, ზღვის დონიდან 640 მეტრ სიმაღლეზე. ეკლესია XI საუკუნეშია აგებული. ამავე დროით თარიღდება ტაძრის ვაზისაგან დამზადებული მოხარატებული კარი რომელიც ამჟამად საქართველოს ეროვნულ მუზეუმშია დაცული.
XIX საუკუნეში გამოქვეყნებული მასალის მიხედვით აქ ტაძარი თამარ მეფეს განუახლებია. ტაძარზე ამ ფაქტის აღმნიშვნელი წარწერაც ყოფილა დაცული.
ოცინდალეს ეკლესია საუკუნეების განმავლობაში უმიშვნელოვანესი სარწმუნოებრივი ცენტრი იყო, სადაც გიორგობის აღსანიშნავად სამეგრელოს ყველა კუთხიდან მოსახლეობა იკრიბებოდა. XX საუკუნის დასაწყისში ოცინდალეში დედათა მონასტერი ფუნქციონირებდა.
1923 წელს როცა საბჭოთა ხელისუფლება მასობრივად აუქმებდა და ანგრევდა ეკლესია-მონასტრებს, საქართველოს სიძველეთა დაცვის კომიტეტის მიერ შექმნილმა კომისიამ გიორგი ჩუბინიშვილის ხელმძღვანელობით დაადგინა, რომ სიძველისა და ხუროთმოძღვრების მიხედვით ზუგდიდის ბაზაში ხელუხლებლად შეინარჩუნეს 11 ეკლესია-მონასტერი, მათ შორის იყო ოცინდალეს ეკლესიაც.
XX საუკუნეში ოცინდალეს ეკლესიას როგორც განსაკუთრებული მნიშვნელობის ძეგლს სახელმწიფო იცავდა. XX საუკუნის 80-იან წლებში ოცინდალეს ეკლესია და სამრეკლო შეაკეთეს. ამჟამად აქ მამამთა მონასტერია.
ოცინდალეს ეკლესიას 2006 წლის 7 ნოემბერს, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია.
წყარო:
ოცინდალე (ჩხოროწყუს რ-ნი), მის შესახებ სტატიები, ბიბლიოგრაფია:
1. თოდუა ს. სოფ.ოცინდალეს წმ. გიორგის ეკლესია და მისი ისტორიული ნაშთები //ჟ. ”მწყემსი”. - 1887 - N20.-გვ. 7-8. // ეკლესიისა და მასში დაცული ნივთების აღწერილობა.
2. უზნაძე ი. XI საუკუნის დეკორატიული ძეგლის ლაშედან - თბ., 1962 - გვ.51-52. // სოფ.ოცინდალის ეკლესიის მოხარატებული კარის აღწერილობა და მხატვრული ანალიზი.
3. ქებურია ს. მემკვიდრეობას გაფრთხილება უნდა //ძეგლის მეგობარი, კრ. 84, 1989, გვ. 13-18 // ეკლესიის რესტავრაციის დროს დაშვებული შეცდომების შესახებ.
4. ოსინდალე და მისის საიდუმლოება // ქართული გაზეთი (7 ოქტ.) // გვ.6.
5. ჯიქია შ. ოცინდალეს ეკლესია // გაზ. "სტალინის დროშით" (ჩხოროწყუ), 1959 (23 ივლ.), გვ. წმინდა გიორგის სახ. ეკლესიისა და მისის შემორჩენილი ნაშთების შესახებ.
5. ჩიქოვანი ბ. ოსინდალე // გაზ. "ნაპერწკალი" (ჩხოროწყუს რ-ნი), 1966 (19 თებ.).
6. ბერაძე თ. ოცინდალეს ძეგლი //საბჭოთა ხელოვნება, 1962, N3, გვ. 72-73 // სოფ.ოცინდალეს წმ. გიორგის სახ. დარბაზული ტიპის, ერთნავიანი ეკლესიისა და მის გვერდით მდებარე კოშკის აღწერილობა. აღნიშნულია ძეგლის სავალალო მდგომარეობა.
*****************************************************************
თოდუა ს. - სოფ.ოცინდალეს წმ. გიორგის ეკლესია და მისი ისტორიული ნაშთები // ჟურნ.”მწყემსი”, 1887, N20, გვ. 7-8.
ზუგდიდის მაზრიდგან სამხრეთისკენ, ერთ მაღალ გორაზედ მდებარეობს სოფელი ოცინდალი, რომელიც შემკობილია მშვენიერი ჰავით, ტყეებით და საზოგადოდ ყოველ გვარი მცენარეულობით. ამ სოფელში მარილის და ქვა-გუნდის მადნებიც აღმოჩნდა ამ ბოლო დროს. აქ სცხოვრობს ოცი კომლი გლეხი. სოფლის ერთ ტყიან გორაკზე არის აღშენებული ერთი მშვენიერი ტაძარი, გასაკვირია, რომ ამისთან მშვენიერი გეგმის ეკკლესია აღუშენებიათ ამისთანა მიუვალ ადგილს.... <<ტექსტი სრულად აქ<<
*****************************************************************
თ. ბერაძე - ოცინდალეს ძეგლი // საბჭოთა ხელოვნება, 1962, N3, გვ. 72-73
საქართველო მდიდარი ისტორიული წარსულის ქვეყანაა. წინაპართა მიერ აგებული ხელოვნების ძეგლები მრავლად მოპოვება მის ტერიტორიაზე და ისინი მნახველს ქართველი ხალხის გმირულ თავგადასავალს მოუთხრობენ. ამ ძეგლთა უმეტესი ნაწილი შესწავლილი და ფართო საზოგადოებისათვის ცნობილია. ზოგიერთი მათგანი კი ერთგვარად „დაჩაგრულა“, მათ მეცნიერული შესწავლა და მოვლა-პატრონობა აკლიათ. ამგვარ მდგომარეობაშია ოცინდალეს წმიდა გიორგის ეკლესია... <<ტექსტი სრულად აქ<<
****************************************************************
სოფიკო ქებურია - "მემკვიდრეობას გაფრთხილება უნდა" // ძეგლის მეგობარი, კრ.84, 1989 , გვ. 13-18
„ისტორიისა და კულტურის ძეგლების დაცვისა და გამოყენების შესახებ“ საქართველოს სსრ კანონის 37-ე მუხლი კრძალავს ისტორიისა და კულტურის უძრავი ძეგლების დანგრევას, გადაადგილებასა და გადაკეთებას. ჩვენი სტატია ერთი ძეგლის გადაკეთებას შეეხება... ჩხოროწყუს რაიონში, სოფელ თაიას ცენტრიდან 3 კმ დაშორებით მდებარეობს წმ. გიორგის სახელობის XI საუკუნის ოცინდალეს ეკლესია...<<ტექსტი სრულად აქ<<
ოცინდალეს წმინდა გიორგის ეკლესია - ფოტოგალერეა
