|
There are no translations available.
მინოტავრის სკულპტურული გამოსახულება
1969 წლის ივლისში ქუთაისის სახელმწიფო ისტორიულ-ეთნოგრაფიული მუზეუმის განყოფილების გამგემ ლონდა ჯიქიამ ქ. ქუთაისის ძველ უბანში მიაკვლია მეტად საინტერესო ძეგლს. იგი წარმოადგენს ქვაზე ხარის თავის რელიეფურ გამოსახულებას, რომელსაც პირში ადამიანი უჭირავს. ეს არის მინოტავრის გამოსახულება, რომელიც ჯერჯერობით საქართველოში სხვა ადგილზე დადასტურებული არ არის. ძეგლის ზომაა 36х50 სმ. თავისი სიუჟეტურ-ტექნიკური გადაწყვეტით ეს ძეგლი უაღრესად საინტერესოა. მით უფრო, რომ დასახელებულ ადგილზე ჩვენ მეორე ისეთივე ქანდაკება ვიპოვეთ. ადგილზე არქეოლოგიური კვლევა-ძიების ჩატარება აუცილებელ საჭიროებას წარმოადგენს, ჩვენი ქალაქის უძველესი ისტორიის შესწავლისათვის. ეს ძეგლები გარდა იმისა, რომ ქუთაისის საქალაქო ცხოვრების ძველი პერიოდისათვის გვაძლევს გარკვეულ წარმოდგენას, აგრეთვე საყურადღებოა, როგორც ხელოვნების ნაწარმოები. ჩვენ ვფიქრობთ, რომ მისი შესწავლით დაინტერესდებიან ქართული ხელოვნების ისტორიის მკვლევარები. ამჟამად მას სპეციალურად სწავლობს აკად. შ. ამირანაშვილი.
ქუთაისის სახ. ისტ-ეთნოგრაფიული მუზეუმის დირექტორი მ. ნიკოლაიშვილი
|
