<უკან დაბრუნება

აბისი - ქართული საბჭოთა ენციკლოპედია, ტ.I, გვ.29.

აბისი - სოფელი ქარელის მუნიციპალიტეტში, საკრებულოს ცენტრი (სოფლები: აბისისთავი, ბერძენაული). მდინარეების ლოპანისწყლისა და დასავლეთის ფრონეს შესართავთან. ზღვის დონიდან 670 მეტრი ქარელიდან 15 კილომეტრი. მდებარეობს XVIII საუკუნის II ნახევრის ციხე დარბაზი და ეკლესია "მაცხოვარლხენა". აბისი პირველად იხსენიება 1633 წელს. ამ დროს ავალიშვილების სამკვიდრო მამული იყო. XVIII საუკუნის 20 -30 იან წლებში დაღესტნელ და ოს ფეოდალთა მოთარეშე რაზმებმა ააოხრეს. XVIII საუკუნის ბოლოს ამირეჯიბის მფლობელობაში გადავიდა. XIX საუკუნეში ადმინისტრაციული დაყოფით შედიოდა გორის მაზრაში.

ლიტ:

დოკუმენტები საქართველოს სოციალური ისტორიიდან, ნ. ბერძენიშვილის რედ., [ტ.] 2, თბ., 1953წ.

მაკალათია ს., ფრონის ხეობა, თბ., 1963;

მასალები საქართველოს ისტორიული გეოგრაფიისა და ტოპონიმიკისათვის, წგნ. 1, თბ., 1964;

Закарая П. Древние крепости Грузии, Тб., 1969

• აბისი  - აღწერა, ისტორია, მდებარეობა
• აბისი - მის შესახებ სტატიები, ბიბლიოგრაფია
• აბისი - ფოტოგალერეა// ფოტოალბომის სრული ვერსია